Enkeljed Alibeaj ka zbardhur takimin që zhvilloi sot me ambasadoren e SHBA-ve në Tiranë, Yuri Kim.
Nëpërmjet një postimi në rrjetet sociale, Alibeaj tha se gjatë një takimi të frytshëm dhe miqësor me ambasadoren e SHBA në Tiranë, dyshja diskutuan temat që lidhen me zhvillimet më të fundit në vend, duke përfshirë edhe zgjedhjet vendore të 14 Majit.
Të lidhura
None found
Alibeaj bën me dije se i garantoi ambasadorës në emër të PD-së për vullnetin e mirë për t’u përfaqësuar denjësisht në këto zgjedhje duke zbatuar rekomandimet e ODIHR.
Postimi i plotë:
Gjatë një takimi të frytshëm dhe miqësor me ambasadoren e SHBA në Tiranë prekem temat që lidhen me zhvillimet më të fundit në vend për t’u ndalur më gjatë tek ato të zgjedhjeve vendore të 14 Majit.
Diskutuam për rekomandimet e ODIHR, shqetësimet mbi përdorimin e administratës dhe pastërtinë e kandidatëve. Shqetësime këto të ngritura dhe më parë nga opozita dhe që kanë shoqëruar problematikën e proceseve të fundit zgjedhore në Shqipëri.
Në emër të PD garantova ambasadoren e SHBA për vullnetin e mirë tonin për t’u përfaqësuar denjësisht në këto zgjedhje duke zbatuar rekomandimet e ODIHR, duke ndarë me të shqetesime të ndryshme përfshirë dhe rolin e medias, para dhe gjatë fushatës elektorale.
Në fund të bisedës e falenderova për mbështetjen e vazhdueshme që SHBA i kanë dhënë Shqipërisë dhe shqiptarëve në rrugëtimin e gjatë dhe të vështirë të zhvillimeve demokratike.
Kujtojmë se sot Yuri Kim u takua edhe me sekretarin e Partisë Socialsite Damian Gjiknurin.
/AlbEu.com/
