Do të ishte më mirë për të gjitha vendet e NATO-s nëse Suedia dhe Finlanda do t’i bashkoheshin aleancës së bashku, sesa veçmas, tha sot ministri finlandez i Mbrojtjes Mikko Savola.
“Është më mirë për Finlandën, për Suedinë dhe për NATO-n që ne të dy të bëhemi anëtarë sa më shpejt të jetë e mundur”, tha Savola përpara një takimi në Bruksel me homologët e tij të NATO-s dhe suedezëve.
“Është më mirë për planifikim, ne punojmë shumë ngushtë me Suedinë, e cila është edhe partneri ynë më i ngushtë”, theksoi ai.
Kërkesat e të dy vendeve për t’u bashkuar me NATO-n do të duhet të ratifikohen nga të gjithë anëtarët e Aleancës, por deri më tani Turqia dhe Hungaria kanë refuzuar të japin miratimin.
Presidenti turk Rexhep Tajip Erdogan la të kuptohet muajin e kaluar se Turqia mund të pajtohet me anëtarësimin e Finlandës përpara Suedisë, mes marrëdhënieve të tensionuara Ankara-Stokholm. /albeu.com
