Federata turke e futbollit ka shtyrë të gjitha ndeshjet e klubeve në vend pas tërmetit vdekjeprurës.
“Të gjitha garat e planifikuara janë shtyrë për një datë të mëvonshme”, shkroi Federata Turke e Futbollit (TFF).
“I urojmë mëshirën e Zotit qytetarëve tanë që humbën jetën në tërmetin që futi në zi vendin tonë, ngushëllimet tona për familjet e tyre, të afërmit dhe kombin tonë dhe shërim të shpejtë për të plagosurit tanë”, thuhet në postimin e TFF-së.
Tre ndeshje të ligës ishin planifikuar për të hënën, duke përfshirë vendin e dytë Fenerbahce në shtëpi ndaj Konyaspor. Ndeshjet e radhës janë caktuar për të premten. /albeu.com
