Sipas parukierit Sal Salced (Salced), larja e dyfishtë me shampo mund të parandalojë që flokët tuaj të bëhen shpejt të yndyrshëm.
A ju yndyrosen flokët shpejt, vetëm një ose dy ditë pas larjes? Nëse po, ju ndoshta i lani flokët shpesh, ndoshta edhe çdo ditë, për të zgjidhur këtë problem.
Përgjigja për problemin tuaj mund të fshihet në një truk të thjeshtë: lajini, shampo, shpëlajeni, përsërisni.
Përsëritja është çelësi sepse siç rezulton, larja e flokëve dy herë mund të jetë e mirë për të! Edhe pse çdo lloj floku ka nevoja të ndryshme dhe kjo teknikë nuk është për të gjithë, ka përparësi të konsiderueshme për këtë lloj larje flokësh.
‘‘Larja e flokëve me shampo dy herë është e dobishme sepse mundëson pastrimin e duhur dhe ju jep kohë më të gjatë me një skalp të pastër dhe shmang problemin e flokëve të yndyrshëm. Gjithashtu ju pengon të lani flokët e tepërt, gjë që është një gabim që e bëjnë shumica e grave‘’ shtoi ai.
Kjo ndodh sepse shampoja e parë shpërbën vajin në flokë dhe shampoja e dytë i lan flokët tërësisht. Pra, në vend që t’i lani flokët çdo ditë, lajini dy herë në dush në mënyrë që të mund të zgjasni më shumë derisa t’i lani përsëri.
Dhe nëse keni flokë me teksturë, prapë mund të përfitoni nga kjo metodë e larjes, veçanërisht nëse i lani flokët vetëm një herë në javë dhe përdorni shumë produkte për flokët. Një aplikim i shampos duhet të jetë i mjaftueshëm për ata me flokë jashtëzakonisht të thatë ose për ata që nuk kanë shumë yndyrë.
Të gjithë janë të ndryshëm, kështu që ajo që është e mirë për një person mund të mos përfitojë një tjetër. Por, herën tjetër që do t’i lani flokët, provoni dhe shikoni se sa do t’ju freskojë flokët kjo mënyrë larjeje.
