Të paktën një person humbi jetën dhe disa të tjerë u plagosën në një shpërthim në rrugën historike Istiklal të Stambollit.
Guvernatori i Stambollit Ali Yerlikaya tha në Twitter se ka pasur viktima nga shpërthimi që ndodhi rreth orës 16:20 me orën lokale të dielën.
“Në vendngjarje janë dërguar ekipet të policisë, shëndetësisë, zjarrfikëses dhe AFAD. Zhvillimet do të ndahen me publikun”, shkroi ai në Twitter.
Shkaku i shpërthimit nuk ishte menjëherë i qartë.
Pamjet treguan ambulanca, kamionë zjarrfikës dhe polici në vendngjarje në rrethin Beyoglu. Ekipet e policisë morën masa sigurie në zonën ku ndodhi shpërthimi.
Përdoruesit e mediave sociale thanë se dyqanet ishin mbyllur dhe rruga u mbyll.
Ky është një histori në zhvillim dhe do të përditësohet më vonë. /albeu.com/
Loud blast heard in Istanbul’s Istiklal causing panic. pic.twitter.com/ZK6FViRooz
— Ted Regencia تِد (@tedregencia) November 13, 2022
