Një plagosje me thikë ka ndodhur në Fier, në lagjen “Konferenca e Pezës”, pasi ka plagosur një shtetas 30-vjeçar.
Policia njofton se shërbimet e Policisë kanë shkuar në vendngjarje dhe vijon krehja e zonës për kapjen e autorit.
Informacion paraprak
Goditi me mjet prerës një shtetas, identifikohet dhe shpallet në kërkim autori.
Sot rreth orës 16:00, në lagjen “Konferenca e Pezës”, Fier, shtetasi A. R., dyshohet se për motive të dobëta ka goditur me mjet prerës(thikë) shtetasin K. D., rreth 30 vjeç, i cili ndodhet në spitalin e Fierit nën kujdesin e mjekëve.
Shërbimet e Policisë kanë shkuar në vendngjarje dhe vijon krehja e zonës për kapjen e autorit.
Grupi hetimor ndodhet në vendngjarje dhe vijon puna për sqarimin dhe zbardhjen e rrethanave të ngjarjes.
