Një pjesë e vogël por politikisht e zëshme e elektoratit amerikan që admiron politikat muskulare të Vladimir Putinit po kërkon të minojë përpjekjet e presidentit amerikan Joe Biden për t’iu kundërvënë presidentit rus.
Zoti Biden ka kërcënuar se do të vendosë sanksione dërrmuese ekonomike ndaj Moskës, në mes të një grumbullimi të trupave ruse në kufirin ukrainas. Shumë persona, me pëshpëritje të forta, thonë se zoti Putin planifikon një pushtim, raporton albeu.com.
Por aktivistët e së djathtës ekstreme – dhe disa të së majtës së fortë – të spektrit politik amerikan thonë se është zoti Biden është “luftënxitësi”.
Votuesit konservatorë që e kanë këtë pikëpamje po u bëjnë presion anëtarëve të Kongresit që të marrin një ton pajtues ndaj Rusisë, të zvogëlojnë retorikën dhe të refuzojnë autorizimin për të dërguar trupa në rajon. Ata po punojnë gjithashtu për të zgjedhur kandidatët republikanë të cilët kanë deklaruar publikisht se nuk do të ndërhyjnë në Ukrainë, raporton albeu.com.
Përpjekjet kanë potencialin për të frustruar planet e zotit Biden për Ukrainën dhe për të riformësuar këndvështrimin e politikës së jashtme të partisë republikane.
Shumica e amerikanëve pajtohen me zotin Biden se grumbullimi i trupave në kufirin e Ukrainës është një kërcënim për interesat e SHBA-së, pavarësisht nga përkatësia e tyre politike.
Sipas një sondazhi nga Qendra Kërkimore Peë – edhe pse vetëm një përqindje relativisht e vogël, 23%, të anketuarit kishin dëgjuar shumë për këtë temë.
Por votuesit amerikanë që e admirojnë Putinin, folën për BBC-në dhe vlerësuan guximin e tij, ndërsa të tjerët ishin izolacionistë që besojnë se SHBA nuk duhet të vendosë forca ushtarake jashtë vendit.
Ultrakonservatorët në partinë republikane po kërcënojnë me pasoja politike për ata që perceptohen si tepër agresivë dhe të prirur për të përdorur forcën ushtarake për konfliktin Rusi-Ukrainë.
Jonathan Erickson, i cili shërben si kryetar qarku për Komitetin Republikan të Qarkut Loudoun në Virxhinia, është fuqishëm kundër politikave të zotit Biden në lidhje me Ukrainën dhe ai mbështet kandidatët republikanë që ndajnë pikëpamjet e tij./albeu.com/
