Myrto Uzuni ka nisur që sot stërvitjet me skuadrën e Granadës, duke u vendosur nën urdhrat e trajnerit Roberto Moreno.
Sulmuesi i përfaqësueses shqiptare, firmosi të hënën me skuadrën e La Liga dhe shpreson që në këtë fundjavë, të jetë në gjendje të tregojë qoftë edhe për pak minuta të gjithë vlerat e tij në ndeshjen kundër Real Madrid.
Uzuni nuk ka bërë përgatitje veçmas grupit sot, siç ndodh shpesh me lojtarët e rinj, por ka filluar menjëherë punë me pjesën tjetër të ekipit, siç tregojnë pamjet e publikuar nga klubi i Granada në rrjetet sociale.
Ai shihet teksa merr pjesë në të gjitha ushtrimet stërvitore, si lojtarët e tjerë, duke lënë të kuptohet se trajneri Moreno po mendon që ta integrojë sa më parë futbollistin e përfaqësueses shqiptare, edhe me pak ditë stërvitje në dispozicion.
Adaptación y competición. Que regresamos. Que vuelve @laliga. Así fue la sesión de este martes. #VamosMiGranada #EternaLucha pic.twitter.com/sbIx50EWof
— Granada CF ❤️⚪️ (@GranadaCF) February 1, 2022
