Pas tri ndeshjeve të zhvilluara në fazën e ligës së Ligës së Kampionëve, pesë ekipe kanë arritur të marrin pikë të plota dhe ndajnë kreun me nga nëntë pikë.
Paris Saint-Germaini, Aston Villa, Liverpooli, Real Madridi dhe Betisi i kanë fituar të tria ndeshjet e para. Në pozitat pas tyre janë Stuttgart dhe Arsenali, të dyja skuadra me nga shtatë pikë.
Të lidhura
None found
Barcelona ka siguruar gjashtë pikë deri tani, ndërsa Bayern Munichu ka grumbulluar pesë.
Me garën për vendet e para ende të hapur, çdo pikë mund të ndikojë në renditjen përfundimtare të fazës së ligës, e cila po bëhet gjithnjë e më interesante.
Sipas formatit të garës, tetë ekipet që përfundojnë në krye kalojnë drejtpërdrejt në fazën e 16-të më të mirave. Skuadrat e renditura nga vendi i nëntë deri në të 24-in do të përballen në play-off me dy ndeshje, për të siguruar kualifikimin në këtë fazë.
Ekipet që zënë pozitat nga vendi i 25-të deri në të 36-in eliminohen nga garat evropiane. Kështu, ndeshjet e mbetura janë të rëndësishme si për skuadrat që synojnë kualifikimin e drejtpërdrejtë, ashtu edhe për ato që kërkojnë të sigurojnë një vend në play-off.
