Kylian Mbappé vazhdon të shënojë rekorde në futbollin evropian. Sulmuesi i Real Madridit gjeti sërish rrugën drejt rrjetës në Ligën e Kampionëve, duke dëshmuar edhe një herë formën e tij të shkëlqyer.
Në ndeshjen e zhvilluar në “Santiago Bernabéu”, Real Madridi u përball me Leipzigun në kuadër të xhiros së tretë të fazës së ligës së Ligës së Kampionëve.
Të lidhura
None found
Golin e tretë për madrilenët, Mbappé e shënoi në minutën e 83-të. Pas asistimit të Jan Diomande, francezi e dërgoi topin në rrjetë me një goditje të saktë.
Rrjeti “Stats Foot” bëri të ditur se ky ishte realizimi i tij i 25-të për Real Madridin në vitin kalendarik 2026. Me këtë, Mbappé u bë francezi i parë që shënon të paktën 25 gola për një klub në njërën prej pesë ligave kryesore evropiane në dhjetë vite kalendarike radhazi.
Kjo seri nisi më 2017, kur ai luante për Monacon. Në të njëjtën verë, Mbappé iu bashkua Paris Saint-Germainit dhe vazhdoi të shënonte rregullisht edhe për gjashtë vite të tjera.
Pas transferimit te Real Madridi, ai e mbajti gjallë këtë ecuri edhe në kryeqytetin spanjoll. Me klubin madrilen, kjo është hera e tretë radhazi që arrin këtë shifër.
Mbappé vazhdon të shkruajë historinë e futbollit dhe të ndërtojë një karrierë që e rendit mes sulmuesve më të spikatur të epokës moderne.
