Të shtunën dhe të dielën, në Maqedoninë e Veriut, janë regjistruar 1.254 raste të reja me COVID-19, duke e çuar numrin e rasteve aktive me koronavirus në 20.114. Mes numrit të përgjithshëm të pozitivëve janë edhe 169 të riinfektuar.
Në periudhën e njëjtë janë regjistruar edhe 28 pacientë të shëruar, si dhe 21 të vdekur në spital nga mosha 54 deri në 90 vjeç.
Të lidhura
None found
Deri më tani në Maqedoninë e Veriut janë kryer gjithsej 1.785.054 testime të COVID-19. Numri i përgjithshëm i personave të diagnostikuar me COVID-19 në vendin tonë që nga fillimi i epidemisë është 268.191, numri i të shëruarve është 239.694, ndërsa numri i të vdekurve është 8.383.
Në kushtet e rritjes së vazhdueshme të pacientëve të rinj mbeten rekomandimet për respektimin e masave për mbrojtjen dhe vaksinimin e popullatës.
