Rregullat e karantinës si pasojë e COVID-19 janë bërë për t’u thyer vetëm nga udhëheqësit.
Një kryebashkiake në Teksas është detyruar të kërkojë falje publike pasi ka thyer rregullat e karantinës për të rregulluar thonjtë në një sallon bukurie, shkruan Daily Mail.
Bëhet fjalë për Becky Ames e cila u fotografua duke mbajtur një maskë teksa bënte thonjtë në një sallon në Beaumont të Martën.
Zyra e Avokatisë së Qarkut tha të enjten se po heton se si ajo doli dhe madje vizitoi këtë sallon, kur ato janë ndër bizneset e urdhëruara nga vetë Ames të mbyllen pas izolimit që u njoftua më 27 mars në mes të pandemisë nga koronavirusi.
Shkelja e kufizimit dënohet me gjobë deri në 2,000 dollarë.
Kryebashkiakja e Beaumont, Ames kishte thënë të martën se ajo nuk shkel urdhrin e izolimit e më pas kërkoi falje për veprimet e saj të enjten.
Pas fotografisë që qarkullonte në rrjetet sociale, Ames tha që ajo nuk po bënte manikyr, por thjesht po hiqte thonjtë artificialë.
