Trajneri i Spanjës, Luis Enrique ka folur në një konferencë për media para ndeshjes kundër Kosovës që zhvillohet nesër mbrëma në stadiumin “Fadil Vokrri” në Prishtinë.
Tekniku spanjoll ka vlerësuar lartë ekipin Dardanë duke thënë se meritojnë më shumë pikë sesa kanë.
“Nesër do të jetë një nga takimet më të vështira të këtij grupi. Më pëlqen se si luan KOSOVA. Ata meritojnë shumë më tepër pikë sesa kanë tashmë. Është një ekip që ju komplikon jetën”, ka thënë Enrique.
Ndeshja e parë në mes të Spanjës dhe Kosovës pati përfunduar me rezultat 3-1.
