Mesfushori i Arsenalit, Lucas Torreira do të humbasë deri në 10 javë për shkak të një frakture në këmbë.
Ylli i Uruguajit u largua me një barelë gjatë fitores së javës së kaluar 2-0 në Kupën FA ndaj Portsmouth dhe më vonë u pa duke lënë ‘Fratton Park’ në paterica.
Torreira u zëvendësua nga Dani Ceballos vetëm 16 minuta nga fillimi, ku Arsenali mirëpriti golat nga Sokratis Papastathopoulos dhe Eddie Nketiah, transmeton lajmi.net.
Ish-lojtari i Sampdoria nuk kishte startuar më parë për Gunners që nga barazimi 2-2 në Premierligë ndaj Chelsea më 21 janar.
