Donald Trump ka vënë në diskutim një propozim të paprecedentë: ndërkombëtarisht të njihet “Trump Ocean” ose “Oqeani i Amerikave” si emërtim për Oqeanin Atlantik ose atë Paqësor.
Të lidhura
None found
Në një fjalim të mbajtur para mbështetësve në Tenesi, presidenti amerikan theksoi se dëshira e tij është që derisa të jetë në detyrë, Shtetet e Bashkuara të kenë një oqean që mban emrin e tyre.
Propozimi nuk është hera e parë që del në pah – Trump e kishte ngritur një ide të ngjashme edhe në gusht. Ai përfshihet në një seri nismash të tij për ndryshimin e toponimeve, siç ishte rasti i Gjirit të Meksikës, të cilin e riemërtoi “Gjiri i Amerikës”.
Një tjetër plan i shpallur nga Trump parashikon që Liqeni Ontario të quhet “Liqeni i Amerikës”.
Pavarësisht këtyre deklarimeve, ekziston një kufizim i rëndësishëm: Washingtoni nuk ka kompetencën t’i imponojë shteteve të tjera apo institucioneve ndërkombëtare pranimin e emërtimeve për hapësirat ujore që shtrihen përtej juridiksionit kombëtar.
Ky propozim i fundit i Trump përbën pjesë të përpjekjeve më të gjera të tij për të miratuar emra që, sipas mendimit të tij, i përshtaten më mirë identitetit dhe peshës globale të Shteteve të Bashkuara.
