Një person i dytë raportohet se ka humbur jetën nga murtaja në një spital të rajonit të Irkutskut, në Rusi. Lajmi vjen pas vdekjes së një punëtori 28-vjeçar në një laborator ku kryheshin studime për këtë sëmundje.
Të lidhura
None found
Sipas Daily Mail, autoritetet zyrtare ruse ende nuk e kanë konfirmuar informacionin për viktimën e dytë.
Rasti i parë lidhet me Daria Sipilovën, teknike laboratori në Institutin Kundër Murtajës në Irkutsk, e cila ndërroi jetë më 2 tetor në një spital të qytetit Selekhov. Mediat ruse raportuan se ajo u kishte deklaruar mjekëve se më 25 shtator kishte thyer pa dashje një shishe me baktere të gjalla të murtajës.
Ky shpjegim, megjithatë, nuk është vërtetuar nga autoritetet. Ato kanë deklaruar se në institut nuk ka ndodhur asnjë incident me mikroorganizma patogjenë. Pas vdekjes së Sipilovës, rreth 197 persona që kishin pasur kontakt me të u vendosën nën monitorim mjekësor, ndërsa disa spitale në Irkutsk iu nënshtruan një karantine trejavore.
