Një operacion i policisë spanjolle ka bërë të mundur evakuimin e një kampi emigrantësh në vijën bregdetare të Ceutës, ku dhjetëra mijëra persona kishin kaluar nga Maroku rreth dy muaj më parë, njoftoi qeveria e Spanjës.
Në fund të korrikut, më shumë se 72 mijë emigrantë kaluan kufirin nga Maroku drejt Ceutës. Shumica e tyre janë rikthyer që prej atëherë, por të paktën 10 mijë persona vazhdojnë të qëndrojnë në këtë zonë autonome spanjolle në Afrikën e Veriut. Prania e tyre ka rënduar kapacitetet e rajonit dhe ka shtuar tensionet.
Të lidhura
None found
Sipas një zëdhënësi të Ministrisë së Brendshme spanjolle, i cili foli të hënën për Reuters, policia i ka larguar emigrantët nga plazhi Trampolin. Rreth 3 mijë persona kishin jetuar atje për dy muaj, në çadra dhe strehime të ngritura në mënyrë të improvizuar.
Emigrantët janë transferuar në një qendër të përkohshme, ku do t’u nënshtrohen procedurave ligjore ose mund të rikthehen në Marok.
