Heidi Baci ishte e ftuar së fundmi në emisionin Tech Talk”, ku foli për rrugëtimin e saj, ëndrrat që ka pasur dhe marrëdhënien që ka krijuar me ndjekësit në rrjetet sociale.
Gjatë intervistës ajo u shpreh se ishte e apasionuar pas mjekësisë, konkretisht farmaceutikës, por jeta e çoi në rrugëtim tjetër pasi studimet e saj u ndërprenë për shkak të pandemisë COVID-19.
Të lidhura
None found
Baci u shpreh se studimet i kishin dhënë njohuri në fusha të tjera përfshirë biologjinë, kiminë dhe analizat laboratorike. Ajo ka theksuar se vendimi për të mos vijuar më tej studimet lidhej edhe me situatën e krijuar në Itali pas COVID-it.
“Unë kisha qejf të bëja farmaceutikën, por jeta më çoi në rrugëtime të tjera, ndodhi ai problemi global i COVID-it, fiks pasi unë përfundova trevjeçarin e parë, kështu që nuk përfundova dot specializimin që doja të bëja për farmaceutikën, por mund të bëhesh biologe, studion kiminë, analiza, kam mësuar të hap edhe të mbyll leprovetën me një dorë, për shembull, ishte një pjesë testi. Ishte problematika globale e COVID-it, unë prandaj vendosa mos ta vazhdoja më, se në Itali do vazhdoja të bëja teste në një moment të vështirë për shtetin, njerëzit për COVID, nuk futeshin në asnjë vend pa bërë teste”, u shpreh Baçi
Gjithashtu ajo foli gjatë intervistës edhe për marrëdhënien e krijuar me ndjekësit në rrjetet sociale, duke shprehur mirënjohëje për mbështetjen që ka marrë nga ata. Ajo theksoi se audienca e saj ka pasur një rol të rëndësishëm në zhvillimin e karrierës së saj dhe se e shijon marrëdhënien që ka krijuar me ta.
“Janë shumë të dhënë pas meje. Është një raport që sapo e mensoj këtë gjënë që ndoshta një farë presioni që mund të kem ndjerë, e vërteta është që nuk e di ku do isha pa ata. Ata kanë qenë forca ime më e madhe dhe unë e shijoj shumë këtë raportin tonë. E kam vënë veten në kushte që flitet për mua, ndaj nuk e kam problem edhe nëse kritikohem, po ta vësh në peshore dashuria e audiencës time do fitojë gjithmonë, ndaj nuk e kam problem edhe kritikën sepse ata më ndërtuan një karrierë praktikisht”, përfundoi ajo.
