Trajneri i Azerbajxhanit, Ajkan Abasov, ka shpallur listën me 30 futbollistë për ndeshjet e Ligës së Kombeve, por në të nuk përfshihet mbrojtësi i Egnatias, Zamig Aliyev.
Të lidhura
None found
Aliyev shpresonte që paraqitjet e tij të fundit me kampionët e Shqipërisë t’i siguronin rikthimin në përfaqësuese, megjithatë ai nuk ka marrë ftesë për grumbullimin e radhës.
Pauza e kampionateve për shkak të angazhimeve të kombëtareve do t’u mundësojë lojtarëve të Egnatias disa ditë pushim, pas një starti të hershëm dhe një periudhe të ngarkuar për shkak të ndeshjeve në Europë. Në listën e Azerbajxhanit është përfshirë ndërkohë Vusal Isgandarli, ish-futbollisti i Egnatias dhe Partizanit, i cili duket se ka bindur stafin teknik me paraqitjet e tij te Malisheva.
