Gjykata Speciale e Hagës shpalli të mërkurën vendimet për ish-krerët e Ushtrisë Çlirimtare të Kosovës, Hashim Thaçin, Kadri Veselin, Japuk Krasniqin dhe Rexhep Selimin, duke i dënuar ata në total me 81 vite burg.
Të lidhura
None found
Vendimi i ashpër është kundërshtuar gjerësisht në opinionin publik dhe ka nxitur reagime të shumta në rrjetet sociale, përfshirë edhe nga figura të sportit. Një prej tyre ishte ish-trajneri i Partizanit, Skënder Gega, i cili publikoi në profilin e tij në Instagram një “Story” ku shfaqej edhe një poster me numrin e refugjatëve, të vrarëve, të përdhunuarve dhe të zhdukurve.
“Kosova është ndërtuar mbi sakrificën, gjakun dhe herozimin e popullit të saj”, shkroi fillimisht Gega. Duke shprehur mbështetjen për ish-krerët, ai shtoi se asnjë proces nuk mund ta ndryshojë historinë e një populli që luftoi për të jetuar i lirë në tokën e të parëve. “Kosova është e lirë, sepse dikush pati guximin të luftojë”, përfundoi ish-trajneri i Partizanit.
Mbështetje për UÇK-në kanë shprehur edhe futbollistë të Kombëtares, mes të cilëve Rey Manaj, Ylber Ramadani dhe Elseid Hysaj.
