Janë publikuar për herë të parë pamje nga rrëzimi tragjik i helikopterit që i mori jetën legjendës së NBA Kobe Bryant vajzës së tij Gianna, dhe shtatë personave të tjerë.
Më 26 janar një nga më të mirët në historinë e basketbollit, Kobe Bryant, humbi jetën kur helikopteri me të cilin po udhëtonte, u përplas në një kodër në Kaliforni.
Media spanjolle “Cuatro” ka publikuar pamjet e para nga rrëzimi i helikopterit.
Në të dallohet se si helikopteri po futej në mjegull, për t’u përplasur pastaj në kodër.
Raportet e para të bëra kanë treguar se helikopteri nuk ka pasur të vendosur pajisjen që do t’i tregonte pilotit se është afër një përplasje.
Mjegulla e madhe dhe moti i keq, janë duke u konsideruar si shkaktarët më të mundshëm të këtij aksidenti.
