Teksa optimizmi për rifillimin e Serie A po shtohej dita ditës, një goditje e fortë ka ardhur ditën e sotme nga Ministri talian i Sporteve, Vincenzo Spadafora.
Spadafora shprehet: “Rifillimi i kampionatit të futbollit duket një rrugë gjithnjë e më e ngushtë. Rifillimi i stërvitjes nuk do të thotë rifillimi i kampionatit”.
“Apeli për t’i bërë Ligës së Futbollit është të filloni të mendoni për një plan alternativ. Franca ka pezulluar përfundimisht kampionatin, mund të bëhet shembull evropian”, shtoi ministri italian i Sporteve, duke lënë të kuptohet që edhe Serie A mund të ndjekë shembullin e Francës, e cila e pezulloi sezonin futbollistik.
