Një propozim për të shtyrë rifillimin e Premierligës për 26 qershor pritet të marrë dritën e gjelbër gjatë kësaj jave, shkruajnë mediet angleze.
“The Sun” shkruan se klubet janë pro shtyrjes së datës 12 qershor për rifillimin e edicionit.
Data gjithmonë është përshkruar si e ndryshueshme nga shefi ekzekutiv i Premierligës, Richard Masters dhe duket se ajo do të ndryshohet.
Një raund i tretë testimesh për koronavirus do të bëhet gjatë kësaj jave para se klubet të marrin vendimin për fazën e dytë të stërvitjeve.
Klubet gjithashtu mund të merren vesh për datën e re të rifillimit gjatë konferencës së Premierligës të enjten.