Nuk mundi të thyej rekordet e City-t dhe Arsenalit, Liverpool “thyhet” nga Watford (VIDEO)

Watford ka bërë befasinë më të këndshme në Premierligë.

Liverpool është mposhtur nga Watford me rezultatin 3:0, duke regjistruar kështu humbjen e parë në Premierligë këtë edicion.

Watford gjeti golin e parë në këtë ndeshje me anë të Ismaila Sarr, i cili mposhti Alisson Becker në minutën e 54’.

Gjashtë minuta më vonë, Sarr shënoi edhe golin e dytë personal, duke dyfishuar epërsinë e nikoqirëve.

Troy Deeney vulosi fitoren e Watford, duke shënuar për rezultatin 3:0.

Me këtë humbje, Liverpool ka mbetur pa thyer rekordin e Arsenal për 49 ndeshje radhazi pa humbje në Premierligë (45 të regjistruara).

Gjithashtu, rekordi i Man City me 18 fitore radhazi, mbetet vetëm i barazuar, por jo i tejkaluar nga ‘Reds’ të Jurgen Klopp.

Rekordi më i rëndësishëm që synonin Liverpool ishte ai i shpalljes kampion pa asnjë humbje, gjë që e bënte Arsenali i Arsene Wenger, në vitin 2003/04.

Liverpool mbetet me 79 pikë në pozitën e parë, kurse Watford mbetet me 27 pikë në pozitën e 17-të.


Shtuar 29.02.2020 19:29