Covid-19 në Francë, sipas një ish-mjeku të klubit të Lion, e ka sjellë Juventusi.
Ndeshja e Champions League, Lion-Juventus, konsiderohet si “ndeshja zero”, ashtu siç është konsideruar sfida Atalanta-Valencia.
“Kjo ndeshje nuk duhej zhvilluar, solli në Lion shumë tifozë nga e gjithë Italia, jo vetëm nga Piemonte, që deri në atë kohë nuk konsiderohej si një zonë e kuqe”.
Kështu është shprehur Marcel Garrigou-Grandchamp, ish-mjeku i Lion në një intervistë për “L’Equipe”.
Kjo teori është hedhur poshtë nga vetë “L’Equipe” që citon një studim të bërë nga Agjencia Mjekësore në Lion, e cila saktëson se numri i të infektuarve nuk lidhet më këtë ndeshje.
Ndryshe nga “L’Equipe”, e përditshmja tjetër sportive, “Le Parisien”, po heton se shkak për përhapjen e shpejtë të Koronavirusit mund të jetë ndeshja PSG-Borussia Dortmund, ku ultras të klubit francez u mblodhën të shumë në numër për të ndjekur dhe festuar suksesin jashtë stadiumit.