Guardiola rikthen interesin për Bonuccin, Juve reziston

Trajneri i Manchetser City-t, Pep Guardiola ka rikthyer interesimin për qendërmbrojtësin e Juventusin, Leonardo Bonucci.

Guardiola, është i ‘etur’ të josh Leonardo Bonuccin, për transferim në ‘Etihad Stadium’ këtë verë, por siç mëson ‘Goal’, Juventus nuk e ka ndërmend të shes mbrojtësin.

Bonucci pjesën më të madhe të karrierës e ka kaluar te Juventus, duke arritur të regjistrojë 372 paraqitje, dhe të fitojë 14 trofe.

32 vjeçari kishte marrë vendim befasues për t’iu bashkuar Milanit në vitin 2017, dhe pas një sezoni, u rikthye në shtëpinë e tij në Torino.

Lojtari krejt vonë ka nënshkruar kontratë deri në vitin 2024 me Juventusin, duke lënë të kuptohet se pjesën e mbetur të karrierës do ta kalojë në ‘Allianz Stadium’.

Pas gjithë kësaj, duke e vështirë që Guardiola të transferojë atë te Manchester City i tij, për t’ia dhënë vendin e lënë nga Vicente Kompany.


Shtuar 25.04.2020 14:15