U arrestuan pas protestës për Teatrin, pritet të merret sot masa e sigurisë për aktivistët

Pas arrestimit të tyre të dielën, aktivistët do të dalin sot para gjykatës.

Tetë të dyshuarit që do të dalin sot para gjyqtarit Meça janë: Erik Mertiri, Endrit Mertiri, Bojken Abazi, Kastriot Qema, Romeo Lilo, Ledion Xhoxhaj, Burim Tafilica dhe Sokol Ndoja.

Të gjithë këta aktivistë janë arrestuar të dielën pas përplasjes me policinë dhe nuk mungoi as dhuna, e cila është dënuar nga opozita dhe organizata të ndryshme.

Nga ana tjetër, Aleanca për Mbrojtjen e Teatrit ka bërë thirrje që qytetarët të dalin në solidaritet të të ndaluarve tek dera e gjykatës.