34 raste të reja me koronavirus janë konfirmuar në Mbretërinë e Bashkuar.
Sipas mediave britanike, 32 nga këto raste janë shënuar në Angli, ndërsa 2 rastet e tjera janë regjistruar në Skoci.
Nga këto, 4 pacientë rezultojnë të jenë infektuar brenda Anglisë, ndërsa 30 pacientët tjerë janë infektuar jashtë vendit.
Shumica prej tyre janë infektuar në Itali, e cila është kthyer tashmë në qendrën e koronavirusit në Evropë.
Deri më tani numri i total i të prekurve nga koronavirusi në Mbretërinë e Bashkuar ka shkuar në 85, prej të cilëve 80 janë shënuar brenda Anglisë, tre në Skoci, një në Uells dhe një në Irlandën Veriore.
