Pasditën e sotme në SPAK po jepte dëshminë e tij kryebashkiaku i Bulqizës Lefter Alla.
Burime nga organi i akuzës bëjnë me dije se dëshmia e Allës zgjati rreth një orë.
Kryetari i Bulqizës akuzohet se është pjesë e një videoje të publikuar ditën e djeshme, ku shihet duke konsumuar kokainë.
Alla ka dhënë vetëm një prononcim të shkurtër për mediat duke thënë ” E ka në dorë drejtësia. Nuk kam asnjë koment”.
Ndërsa avokati tij Petrit Ismaili e ka cilësuar videon një montazh.
“Montazh, video nuk duket fare se kush është. Nuk ka arsye të japë dorë dorëheqjen”, u shpreh avokati. /albeu.com/
