Një nënë nga Vlora në takimin e përjavshëm me të birin në burg, ka tentuar që ti fusë drogë.
Ditën e djeshme, në ambientet e paraburgimit IEVP Vlorë, shtetasja S. S., ka shkuar për t’i dërguar disa ushqime djalit të saj, i cili vuan dënimin për vepër penale në fushën e narkotikëve.
Pas kontrollit të ushtruar, mes ushqimeve është gjetur një sasi lënde narkotike prej 100 gramë cannabis sativa.
Kjo bëri që 62-vjeçarja S. S., me banim në Vlorë, të arrestohet në kushtet e flagrancës.
Ajo akuzohet për veprat penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.