Ka ndërruar jetë sot në spitalin infektiv një paciente 68-vjeçare nga Tirana, me inicialet L.K., e cila trajtohej prej 10 ditësh në shërbimin Infektiv në gjendje të rëndë, e intubuar.
Burime nga ministria e Shëndetësisë bëjnë me dije se 68-vjeçarja e prekur nga COVID19 vuante nga insufencenca renale dhe kishte kryer pesë seanca dialize brenda spitalit infektiv gjatë këtyre ditëve.
Pavarësisht përpjekjeve të stafit mjekësor, 68-vjeçarja nuk ia doli të mbijetojë, tha Ministria e Shëndetësisë dhe Mbrojtjes Sociale.
Kjo është viktima e 24 ndër pacientët me Covid-19 në Shqipëri, ndërsa nga totali prej 467 personash të infektuar, 232 janë shëruar.
Dy persona të tjerë të infektuar me Covid-19 kanë vdekur më parë në Shkodër, por Ministria e Shëndetësisë nuk i ka përfshirë në statistikat e përgjithshme me argumentin se ata nuk kishin simptoma.