Mbytet pushuesi në Velipojë

Një pushues nga Kosova, ka humbur jetën këtë të dielë në plazhin e Velipojës.

Viktima është i moshës rreth 70 vjeçare, por identiteti nuk bëhet i ditur.

Sipas dëshmitarëve, i moshuari sapo ka hyrë në ujë për t’u larë, ka pësuar infarkt.

Trupi i të ndjerit është dërguar në morgun e spitalit të Shkodrës, me ambulancën e këtij qyteti, pasi në Velipojë shërbimi i ambulancës është mbyllur në datën 31 gusht.