E ftuar mbrëmjen e sotme në emisionin “Në Kurthin e Piter Pan” ishte aktorja e njohur Olta Gixhari, e cila është vënë përballë pyetjeve kurioze të fëmijëve.
Gjatë intervistës në studio, vëmendjes s’mund t’i shpëtonin unazat në duart e aktores, për të cilat rrëfeu më shumë duke zbuluar jetën e saj private.
Olta u shpreh se njëra prej unazave ishte pak a shumë propozim, duke lënë të kuptohet se aktorja tashmë është fejuar.
Megjithatë, ajo ka preferuar ta mbajë ende misterioz partnerin i cili i ka rrëmbyer zemrën.
Gjithashtu, Olta shtoi se meqenëse e ka gjetur “babain e fëmijëve”, dëshiron që në të ardhmen të bëhet nënë e një vajze dhe një djali.