Dukesha e Sussex-it, iu kthye zyrtarisht përditshmërisë, si gjithë të tjerët, por me më shumë stil! Eventi i parë i 2020-ës, e gjeti Meghan Markle-in të veshur me stilin e saj të preferuar, që duket se do ta shoqërojë edhe përgjatë kësaj dekade.
Dje (7 janar) gjatë vizitës në “Canada House” në Londër, Meghan u shfaq e veshur me një fund treçereksh të mëndafshtë ngjyrë kaf, kombinuar me një gol të po asaj ngjyre por në tjetër teksturë dhe këpucë kadife nga Jimmy Choo.
Veshjen, që princesha e bën të duket një mrekulli e shoqëroi me një pallto kafe nga dizajneria e saj e preferuar, Stella McCartney.
Pavarësisht look-ut monokrom, kombinimi i Markle-it është gjithçka tjetër veçse i mërzitshëm.
Jo më kot,themi se ky trend është i preferuara i Meghan-it dhe nga ç’shohim do të jetë për shumë gjatë.