Xhaferi: Lufta kundër korrupsionit parakusht për një shtet të suksesshëm, demokratik dhe të drejtë

Kryetari i Kuvendit të Republikës së Maqedonisë së Veriut, Talat Xhaferi në takimin e sotëm e inkurajoi kryetaren dhe anëtarët e Komisionit Shtetëror për Parandalimin e Korrupsionit (KSHPK) që të vazhdojnë me luftën e tyre të pa kompromis kundër korrupsionit, që siç e theksoi, është parakusht për formimin e një shteti të suksesshëm, demokratik dhe të drejtë.

Kryetarja e KSHPK-së, Biljana Ivanovska sot në emër të Komisionit, Xhaferit ia dorëzoi Strategjinë kombëtare për parandalimin e korrupsionit dhe konflikteve të interesit (2020-2024) me Planin e veprimit për zbatimin e saj.

Siç informoi Kabineti i kryetarit të Kuvendit, për Strategjinë kombëtare përbërja parlamentare do të debatojë sapo të përmbushen kushtet e përcaktuara me Rregulloren e procedurës.


Shtuar 17.01.2020 17:39