Kanë vijuar edhe ditën e sotme operacionet e kërkim-shpëtimit për peshkatarin 53 vjeçar që dyshohet se ka humbur jetën më 1 mars në bregdetin e Durrësit.
Peshkatari është identifikuar si Ardian Mërkuri, i cili kishte dalë në det së bashku me mikun e tij, 48-vjeçarin Ilir Bardheti me një pedalon, i cili është përmbysur për shkak të dallgëve.
Pas ndërhyrjes së familjarëve dhe forcave të policisë është bërë e mundur nxjerrja vetëm e 48-vjeçarit Bardheti.
Kërkimet në fjalë nisën sot pas një telefonate në sallën operative, por ende nuk ka asnjë shenjë prej tij.
