Varësja e Michelle Obama fikson rrjetin, dizenjuesja bëhet e pasur sa hap e mbyll sytë (FOTO LAJM)

Dje ishte një nga momentet më të suksesshme në karrierën e Chari Cuthbert. “Isha në zyrën time dhe telefoni im po çmendej. Unë nisa të qaja”, tha Chari për CNN, ndërsa rrjeti po zinte për varësen ‘VOTE’ të Michelle Obama.

Ndjekësit, kryesisht vajza e gra, u dashuruan pas varëses së Michelle, duke e postuar atë në çdo rrjet të mundshëm në internet. Dizenjuesja e varëses thotë se ka mbetur pa fjalë: “Kjo është dita më emocionuese që kam pasur ndonjëherë”.

Vajza nga Los Anxhelos thotë se brenda 24 orëve iu desh të shtonte stafin nga kërkesat e shumta. Kritikët e modës e quajtën menjëherë varësen me 4 gërma si aksesorin e vitit 2020.

Stilisti i Michelle Obama e kishte zgjedhur aksesorin disa javë më parë, por Chari nuk e dinte se kur do ta vendoste. Fill pas shfaqjes në konventë, nisën porositë.

Disa të tjerë kanë qarë nga çmimi: 430 dollarë. Por, në internet e gjen lehtësisht jo në flori, për 40 apo më pak dollarë.


Shtuar 19.08.2020 13:34