“Shëndeti publik vjen në vend të parë! E dimë që është e vështirë të shohësh stadiumet bosh dhe askush nuk ka qejf por në fillim vjen shëndeti publik, gjëja më e rëndësishme”.
Steven Zhang, presidenti i Interit, ka reaguar kështu në intervistën për “BBC” dhënë sot pasdite, teksa ka nënvizuar dhe se “të luajmë pa tifozë është e vetmja zgjidhje! Nëse të gjithë do të ndjekim aksionet që na këshillojnë, do të hedhim pas krahëve gjithçka”.
Ndërkohë që pak ditë më parë Zhang akuzoi Federatën Italiane të futbollit e cila më parë kishte vendosur që derbi të luhej në 13 maj.
Megjithatë tani Zhang duket më i qetë pasi Juve-Inter do të luhet të hënën e 9 marsit.
