Doha ka disa probleme, njëra prej tyre ka të bëjë me dhomat e hoteleve, të cilët janë mjaft të paktë. Organizata përgjegjës për mbarëvajtjen e “Katar 2022” ka krijuar “qytetet fantazmë” për të mbuluar atë mungesë, por ka të metat e veta, shtretërit e vegjël, tendat në 30 gradë dhe mungesën e biletave në disa nga paketat e premtuara për të parë Kupën e Botës. Disa argjentinas tani do të mendojnë se ishte më mirë të mos e kishin parë, por e vërteta është se shumë mbetën pa biletën e premtuar në paketën e blerë me kursimet e shumë viteve.
“Qytetet për tifozët” thuhet në promovimin e bërë nga faqet zyrtare të turneut. Dhe e vërteta është se është shumë afër realitetit. Është e habitshme të shohësh se si deri në katër “qytete” janë shfaqur nga askund përreth Dohas për të strehuar 1 milionë e gjysmë vizitorë që do të shfaqen në të gjithë vendin dhe që lëvizin në kërkim të shtratit dhe dushit dhe që nuk e kanë problem të paguajnë çmimet e hoteleve.
Për këtë, komiteti organizativ ka krijuar hapësira të ndryshme në mënyrë që tifoz-klienti të ketë një shtrat, një dush kolektiv, një palestër në natyrë, një ekran gjigant për të parë ndeshjet, fusha futbolli, krevat, banjo individuale dhe kondicioner.
Problemet kanë ardhur kur disa tifozë, që kanë blerë udhëtimin përmes operatorëve turistikë të ndryshëm nuk kanë gjetur biletat që kishin blerë.
“Kam harxhuar 8000 dollarë për njëmbëdhjetë ditë, por nuk vij të bëj turizëm, vij të shoh Argjentinën dhe nuk shfaqet askush nga kompania. Ata nuk përgjigjen dhe Argjentina luan për tre orë”,- thotë një fanse e inatosur.
Çmimet më të ulëta flasin për 200 euro nata, të cilat shkojnë deri në 1000 euro në një fermë luksoze të sapokrijuar. Të tjerët që nuk kanë gjetur një vend kanë zgjedhur Dubain ose Abu Dhabin./ h.ll/albeu.com
