Camp Nou u tregua me dy fytyra ditën e djeshme ndaj Napolit kur Ousmana Dembele u aktivizua në pjesën e dytë.
Duke zëvendësuar Adama Traoren, ai fillimisht u fërshëllye para dhe pas se të kishte kontaktin e parë me fushën e lojës.
Mirëpo, sapo ai preku topin dhe filloi të kërcënonte, disa tifozë filluan ta duartrokisnin.
Ishte hera e parë që Dembele ka luajtur për klubin në fushën e tyre që kur Xavi e la jashtë skuadrës së tij, ndërsa e ardhmja e tij ishte e paqartë në afatin kalimtar të janarit.
Siç qëndrojnë gjërat, ai duket se do të largohet si një transferim i lirë në verë, megjithëse zemërimi i tifozëve ishte i qartë.
Pas 63 minutash, Xavi solli në lojë Dembelen së bashku me Sergio Busquets dhe Gavi, ndërsa ai kërkonte të gjente fituesin e skuadrës së tij.
Dembele ishte paraqitur kundër Espanyolit fundjavën e kaluar, por kjo erdhi në stadiumin RCDE, larg presionit të tifozëve të tij.
Xavi e ka të qartë se do ta trajtojë Dembelen si çdo lojtar tjetër në skuadrën e tij dhe anësori dukej se ishte gati për sfidën të enjten mbrëma. Ai luajti shumë mirë dhe u tregua i rrezikshëm për ekipin kundërshtar. /h.ll/albeu.com
