Nuk kanë fund telashet për sulmuesin e Dortmund, Youssoufa Moukoko. Pas dëmtimit që e la jashtë fushave për pjesën e mbetur të sezonit, talentit 16 vjeçar, tashmë iu desh të përballej me policinë.
Siç shpjegohet nga shtypi gjerman dhe në veçanti “Bild”, makinat e policisë mbërritën në shtëpinë e tij të mërkurën e kaluar.
Një vajzë thërriti policinë sepse ishte mbyllur kundër vullnetit të saj në një apartament. Ishte Amelie, ish e dashura e Youssoufa Moukoko e cila kishte ardhur aty për t’u sqaruar me sulmuesi e Borussia Dortmund.
Ky i fundit që kishte patur një takim urgjent dhe u largua nga shtëpia e tij duke kyçur derën dhe e la vajzën e re vetëm në apartament. Në pamundësi për të dalë, ajo thirri policinë për të dalë. Sidoqoftë, ajo nuk dëshironte të ndiqte penalisht lojtarin dhe nuk bëri një ankesë.
