Presidenti i Real Madridit, Florentino Perez e ka bërë të qartë se, ndërsa nuk mund të arrihej një marrëveshje mbi një kontratë të re, Sergio Ramos do të jetë gjithmonë i mirëpritur përsëri në klub.
Ramos largohet pas 16 vitesh në Real Madrid, ndërsa shkon në kërkim të një sfide të re diku tjetër.
“Nuk është një ditë e lehtë, sepse ju jeni i veçantë për mua. Ju uroj lumturi dhe dua që ju të dini se kjo do të jetë gjithmonë shtëpia juaj”, ka thënë fillimisht Perez për Ramosin.
? #GraciasSergio ? pic.twitter.com/6g0lJoP6dk
— Real Madrid C.F. ???? (@realmadriden) June 17, 2021
“Një legjendë si ju do të jetë gjithmonë një nga ambasadorët e mëdhenj të Real Madridit”.
Perez i bëri nderime Ramosit dhe mënyrën në të cilën ai shkoi përtej pritjeve të larta që erdhën me ardhjen e tij në Santiago Bernabeu.
“Unë kurrë nuk do ta harroj 8 shtatorin 2005, kur Sergio arriti në Bernabeu për t’u prezantuar”, kujton Perez.
? Florentino Pérez: “Thank you for everything you’ve given this club and for having defended our crest and shirt and put your heart and soul into every game and always fought until the end.”#RealMadrid | #GraciasSergio pic.twitter.com/NxZc6BS2Gz
— Real Madrid C.F. ???? (@realmadriden) June 17, 2021
“Ai kishte një dëshirë të jashtëzakonshme për të marrë botën, ai ishte nënshkrimi im i parë me një lojtar spanjoll, një fëmijë nga Camas me dëshirë të madhe, një nënshkrim që nuk ishte i lehtë, por ne ishim të bindur se ardhja e tij do të shënonte një epokë”.
“Kanë kaluar 16 vjet dhe ju keni pasur një nga karrierat më spektakolare në historinë e klubit tonë. Ju keni arritur pothuajse si fëmijë dhe unë jam jashtëzakonisht krenar për atë që keni arritur”.
“Ju jeni një nga legjendat e mëdha të Real Madridit. Faleminderit që mbrojte stemën dhe fanellën tonë”.
“Për tifozët e Real Madridit që e duan këtë klub, ju gjithmonë do të jeni njeriu i La Decima; minuta e 93-të në Lisbonë është ajo që do të thotë ky klub për miliona njerëz”, përfundoi presidenti i Los Blancos.
