Leandro Paredes kishte ndarë mendjen tash e sa kohë për kalimin te Juventus.
Mesfushori argjentinas është larguar nga PSG gjatë orëve të fundit të merkatos, për të kaluar në Serie A.
Paredes i është bashkuar Juves, dhe në fjalët e tij të para si lojtar i ‘Biankoneri’, ka thënë se mendja e tij ishte vetëm te Juve dhe s’kishte alternativë tjetër.
“Jam vërtetë i lumtur të jem këtu, është klub që e kam dashur gjithmonë, kështu që jam i lumtur”, ka thënë Paredes.
“Juve është skuadra e ëndrrave të mia. Kisha mundësinë që vite më parë t’i bashkohesha, dhe nuk desha ta humb prapë mundësinë. I thash familjes dhe shokëve: është Juve ose asgjë”, ka shtuar lojtari.
Paredes do ta ndihmojë Allegrin në repartin e mesfushës ku aktualisht skuadra ka disa mungesa.
