Robert Lewandowski dëshiron të transferohet te Barcelona.
Një lëvizje te klubi katalanas është një prioritet për sulmuesin 33-vjeçar, pavarësisht se PSG dhe Chelsea kanë treguar interes për të që nga vera e kaluar. Edhe agjenti i lojtarit, Pini Zahavi, favorizon Barçën, shkruan Fabrizio Romano.
Barcelona i ka ofruar Lewandowskit një kontratë trevjeçare, por ata ende nuk kanë biseduar me Bayernin për një transferim të mundshëm.
U raportua se Barça nuk do të ofronte më shumë se 35 milionë euro për sulmuesin. Në të njëjtën kohë, për hir të transferimit, Lewandowski është gati të ulë pagën e tij nga 22 në 16 milionë euro në vit.
Në sezonin e mbyllur për Bayernin, Lewandowski shënoi 50 gola në 46 ndeshje për klubin. /albeu.com/
