Mancini pas humbjes ndaj Gjermanisë: Një humbje e turpshme por nuk ka përfunduar ende

Gjermania fitoi thellë mbrëmjen e djeshme ndaj Italisë me rezultatin 5-2, duke lënë një shije të hidhur tek kombëtarja e kaltër por edhe te të gjithë tifozët.

Pas ndeshjes, tekniku i kombëtares italiane, Roberto Mancini ka folur për “Rai Sport”.

“Është një turp të mbyllet kështu, ata janë të fortë dhe ne e dinim, por ne dhamë shumë dhe i lamë të luajnë. Na vjen keq që mbyllet kështu, por grupi i Nations League është ende i hapur.

Kishte disa gabime, ne nuk u mbrojtëm si skuadër dhe pastaj kur ekspozohesh në kundërsulme rrezikon shumë. Ne kemi hyrë në një rrugë ku ka edhe vështirësi. Kjo është një rrugë ku do bëjmë të mira dhe më pak të mira, grupi është i hapur dhe më vjen keq që humbëm kështu. Dy lojtarë të tjerë kanë bërë debutimin e tyre. Ata bënë më mirë dhe e merituan të fitonin”, është shprehur Mancini./ h.ll/albeu.com


Shtuar 15.06.2022 10:07