Ish-futbollisti i Kombëtares shqiptare, Ilir Alliu, ka kundërshtuar në emisionin “Mega Sport” të A2 CNN mendimin se Ilir Daja është trajneri më i mirë aktualisht në Shqipëri.
Të lidhura
None found
Sipas Alliut, ky vlerësim duhet të bazohet te numri i titujve të kampionatit shqiptar të fituar nga një trajner. Ai ngriti pikëpyetje mbi këtë cilësim, duke theksuar se Daja nuk ka arritur të shpallet kampion me Dinamon.
Ish-lojtari i Kombëtares bëri dallim mes suksesit në kampionat dhe paraqitjeve në ndeshjet me eliminim të kupave europiane. Ai tha se rezultatet pozitive në Europë nuk duhet të ngatërrohen me arritjet në kampionatin shqiptar.
Megjithatë, Alliu sqaroi se e vlerëson punën e Ilir Dajës dhe se e ka ndjekur me vëmendje karrierën e tij. Sipas tij, Daja ka bërë punë të mirë në çdo ekip ku ka drejtuar, por përcaktimi i trajnerit më të mirë vetëm mbi bazën e opinionit mbetet i diskutueshëm.
