Shtetasi K. M., 24 vjeç, i banuar në fshatin Hot i Ri, është vetëdorëzuar në Drejtorinë Vendore të Policisë Shkodër. Kjo ka ndodhur si rezultat i negociatave dhe përpjekjeve të vazhdueshme për zbardhjen dhe dokumentimin ligjor të ngjarjeve kriminale, duke përfshirë kapjen e shtetasve në kërkim për dyshim të vrasjeve. Hetimet dhe puna e autoriteteve lokale do të vazhdojë për të trajtuar çështjen dhe zbardhur ngjarjet kriminale.
Ky shtetas ishte shpallur në kërkim si autor i dyshuar i vrasjes me armë zjarri, të shtetasit V. F., kryer më datë 21.09.2023, në fshatin Hot i Ri.
Prokuroria pranë Gjykatës së Shkallës së Parë të Juridiksionit të Përgjithshëm Shkodër ka dërguar urdhrin per ekzekutimin e vendimit të vitit 2023 të Gjykatës së Shkodrës, e cila i ka caktuar 24-vjeçarit, masën e sigurisë “Arrest në burg”, për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”, kryer në bashkëpunim.
Materiale procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme
