Fation Kuqarin do e shohim aktor së shpejti. Ish-konkurrenti i “Përputhen” tregoi në “Shqipëria Live” në Top Channel, se ka marrë ftesë për të qenë te një telenovelë turke.
“Po bëj një film që e kam përfunduar, jam aktor kryesor. Kam dhe një plan tjetër për një telenovelë turk. Por ende nuk është ndarë se nuk kam mësuar gjuhën. Kushti kryesor është që të mësoj gjuhën brenda 4 mujorshit të parë. Deri diku është e ndarë si punë”, tha Fationi.
Ai u shpreh se nuk është duke lënë Shqipërinë për të jetuar në Turqi, pasi thjesht është një periudhë.
“Nuk po lë Shqipërinë. Mbaron me periudha dhe më pëlqen shumë pjesa e aktrimit. E shikoj shumë veten. Filmin në Shqipëri e kam bërë para se të hyja në Për’puthen”, tha Fationi.
