Tarifat e karburanteve në Maqedoninë e Veriut do të ndryshojnë. Eurosuper BS-95 do të kushtojë 100,50 denarë për litër, ndërsa BS-98 do të shitet me 102,50 denarë, pasi të dyja llojet janë shtrenjtuar me 3,50 denarë.
Të lidhura
None found
Ndryshe paraqitet situata për dizelin, çmimi i të cilit ulet me 2 denarë dhe arrin në 99 denarë për litër. Ky ndryshim lidhet me vendimin për reduktimin e përkohshëm të TVSH-së për dizelin, nga 18 në 10 për qind, si dhe me vijimin e akcizës së ulur.
Rritje regjistrohet edhe te vaji ekstra i lehtë për amvisëri, i cili do të kushtojë 109,50 denarë për litër. Ndërkohë, çmimi i mazutit përcaktohet në 48,243 denarë për kilogram.
