Një i ri 20-vjeçar nga Struga ka ndërruar jetë pasi u mbyt teksa ndodhej me një anije me pedale në ujërat e Liqenit të Ohrit.
Sipas të dhënave të policisë, S.S. ishte duke pedaluar në liqen, ndërsa më pas u nxor nga uji në zonën e njohur si “plazhi mashkullor”.
Të lidhura
None found
Ai u transportua për të marrë ndihmë mjekësore në Qendrën Mjekësore të Strugës, por vdiq aty në orën 16:05.
“Ai u dërgua në Qendrën Mjekësore Strugë për ndihmë mjekësore dhe vdiq në orën 16:05. Një mjek e konstatoi vdekjen dhe me urdhër të prokurorit publik, trupi i të ndjerit u dorëzua për autopsi”, njoftoi Ministria e Punëve të Brendshme.
MPB bëri të ditur se trupi i pajetë është dërguar për autopsi me urdhër të prokurorit publik.
Lidhur me rastin, inspektim kreu një ekip nga Departamenti i Policisë së Strugës.
